Dear EU visitors, this website uses cookies. If you're not okay with that please leave this website. What are cookies?

Welcome

КОМИТСКИ ПЕСНИ

И НИЕ ДЕЦА СМЕ НА МАКЕДОНИЈА

И ние деца сме на мајката земја,
на мајката земја, на Македонија,
на нашата земја, на Македонија.

И ние имаме право да живееме
како и другите живот што живеат,
а ние страдавме, гладни умиравме.

Живот не жалевме, младост си дававме,
за наши правдини смели умиравме,
парола имавме - смрт или слобода!

И ние деца сме на мајката земја,
на мајката земја, на Македонија,
на нашата земја, на Македонија.

Живот не жалевме, младост си дававме,
за наши правдини смели умиравме,
парола имавме - смрт или слобода,
смрт или слобода за Македонија!



В МАКЕДОНИЈА ГЛАС СЕ СЛУША

Ај, в Македонија глас се слуша
од нејзини синови,
ај, в Македонија глас се слуша
од нејзини синови.

Ај, душманите побеснале,
колат, бесат сè наред,
ај, душманите побеснале,
колат, бесат сè наред.

Ај, вие, браќа Македонци,
вие славни јунаци,
алово знаме да развејме
над македонски долини.

Ај на знаме е напишано
- слобода или смрт,
ај на знаме е напишано
- слобода или смрт.

Ај, нека слушне и Европа,
народот се разбуди,
ај, нека слушне и Европа,
народот се разбуди.

Ај, Македонец не се плаши
од душмански јатаган,
ај, како лавот тој се фрла
среде војска и јатаган,
ај, како лавот тој се фрла
среде војска и јатаган.



МАЛИХЕРИ ПУКАА

Малихери пукаја, леле,
малихери пукаја,
малихери пукаја на Г`ндачо планина,
малихери пукаја на Г`ндачо планина.

Тој Јованчо војвода, леле,
тој Јованчо војвода,
тој Јованчо војвода на чукарка седеше,
тој Јованчо војвода на чукарка седеше.

На чукарка седеше, леле,
на чукарка седеше,
на чукарка седеше, заповед издаваше,
на чукарка седеше, заповед издаваше.

- Јуруш, браќа комити, леле,
јуруш, браќа комити,
јуруш, браќа комити, да ја ослободиме,
да ја ослободиме мајка Македонија!



И ТАМУ Е МОЈТА РОДИНА

И таму е мојта родина
далеку в Македонија.
Јас сакам таму да загинам,
а ти, не забрави за век.

И таму е мојта мајка,
и таму има божји свет.
Јас сакам таму да загинам,
ти не заборави за век.

Не плачи, мила моја мајко,
не рони солзи крвави...
Ако Христо Узунов падна
- на врагот жив се не даде!

Сестрите нема да ми идат
над мојот гроб осамотен,
и мајка, нема да ми идат
да лее солзи за мене.

Не жали, мила моја родино,
и сите ми другари мои...
Ако Христо Узунов падна
- на врагот жив се не даде!



НЕДАЛЕКУ ОД ВОДЕН ГРАДА

Недалеку од Воден града,
на североисточна страна,
дружина е поседнала
на зелена рудина.

Пред дружина е ставено
рудо јагне печено,
чаша вино наполнета
на трева е клаена.

Секој пијат и се радвит,
ем од срце благословјат,
за дружина се напиват,
слобода посакуват.

Сите дружно да се збијме,
Битола да се најме,
в Цариграда да тргниме,
Македонија ослободиме!



ЕЈ ГОРИ И ПОЛЈА

Голем е срам за тебе, ти, Македонијо!
Другите да те знаат, сама се не знаеш.

Еј, гори, гори и полја,
Македонија слободна, слободна ќе живеј!

Не сакаме богатство, не сакаме пари,
тук сакаме слобода, човечки правдини!

Еј, гори, гори и полја,
Македонија слободна, слободна ќе живеј!



КУКУШ СЕ КРЕВА НА ГОСТИ

Песни се слушаат весели, Кукуш се крева на гости,
Никола срце разврзал, Султана јунак родила.

Пламен е Гоце в пелени, сокол му љулја љуљката,
над глава три самовили, песни му пеат јуначки.

— Расни ми, Гоце, порасни, славен ти јунак да станеш,
народот ти да го водиш в борба за света слобода.

— Со твојта верна дружина, со душман ти да се биеш,
чумата да ја истераш од жална Македонија!



НЕШТО ЌЕ ТЕ ПРАШАМ БАБО

Нешто ќе те прашам, бабо,
право да ми кажеш,
право да ми кажеш, бабо,
без да ме излажеш.

Кои војводи беа, бабо,
сношти на вечера,
дали Толе Паша, бабо,
или Дедо Колјо?

Дал ме прашаш, аго море,
право ќе ти кажам,
право ќе ти кажам, аго,
без да те излажам.

Нити беше Толе Паша,
нити Дедо Колјо,
тук ми беше Гоце Делчев
с негова дружина.

Вечераа, аго море,
и си заминаа,
и си заминаа, аго,
на Пирин Планина.

Знаме да развијат, аго,
знаме за слобода,
знаме за слобода, аго,
за Македонија!



СЕДУМТЕ БРАЌА КОМИТИ

Падна ми слана есенна,
попари гора зелена;
сал едно дрво остана,
сал едно дрво јаворче.

И под дрвото седеа
седумте браќа комити,
остри ножови точеа,
пушки берданки полнеа.

Кога ножој наточија,
кога пушки наполнија,
сите на нозе станаа —
една си клетва зедоа.

Со душман војна да водат,
душманот да истераат,
слобода да си добијат,
слобода на Македонија!



ВИКНА СЕ ЈАНА ПРОВИКНА

Викна се Јана провикна
од високите чардаци,
од сребрените пармаци:

— Удрете, браќа, пукајте,
Јавер-пашова дружина!
Овдека не е Грција,
овдека не е Србија,
тука е Македонија!

Викна се Јана провикна
од високите чардаци,
од сребрените пармаци:

— Удрете, браќа, пукајте,
Јавер-пашова дружина!
Овдека носат момите,
на појас реворверите;
тука е Македонија!



ОД БИТОЛА ДО ВЕВЧАНИ

Од Битола до Вевчани све сардисано.
Ура! Ура! Ставре војвода!

Го сардисаа млад Ставре у Шекутко'и.
Ура! Ура! Ставре војвода!

Ставре имат машко срце не се предават.
Ура! Ура! Ставре војвода!

Ставре имат бердан пушка не се предават.
Ура! Ура! Ставре војвода!

Прва бомба што ми фрли в конопиштата.
Ура! Ура! Ставре војвода!

Та ми удри десет души од аскерот.
Ура! Ура! Ставре војвода!

Сврти пушка под брадата Ставре војвода.
Ура! Ура! Сам се убива!
Ура! Ура! За Македонија!